Qendra e Klinikave në Shkup do të ndërtohet nga një kompani që do të zgjidhet nga ekspertë

Qendra e Klinikave universitare në Shkup do të ndërtohet në periferi të Shkupit dhe për këtë veçse është zgjedhur lokacioni.

Qeveria e Maqedonisë tanimë ka bërë gati dokumentacionin për të nisur procedurat për konkurs rreth idesë se si do të duket kjo qendër, shkruan Telegrafi Maqedoni.

Fakulteti i arkitekturës në Shkup duhet të jetë gjithashtu i kyçur në procesin e përzgjedhjes së idesë për të ndërtuar Qendrën e Klinikave që do të zëvendësojë qendrën aktuale të klinikave.

Komisioni i ekspertëve do të hap konkurs rreth idesë për të ndërtuar objektin kurse Ministria e Shëndetësisë do të jep kahëzim profesional të kompleksit, që e njejta të përmbush nevojat. /Telegrafi/