Punëtori bie nga një ndërtesë në Prishtinë, dërgohet në gjendje të rëndë në QKUK
06/04/2021
Një punëtor ndërtimtarie ka rënë nga një ndërtesë në Prishtinë dhe ka pësuar lëndime të rënda trupore.
40-vjeçari është dërguar për trajtim mjekësor në Qendrën Klinike Universitare të Kosovës.
Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 16:30, kemi pranuar informatën se në lagjen Arbëria në Prishtinë, një person derisa ishte duke punuar ka rënë nga një lartësi (ndërtesë) dhe ka pësuar lëndime të rënda trupore. Personi i lënduar mashkull (1981), është dërguar për trajtim mjekësor në QKUK”, tha Ahmeti.
Po ashtu, ajo theksoi se rasti po hetohet nga njësitet kompetente në koordinim me institucionet përkatëse. /Telegrafi/