Promovimi i projektit të BE-së për liri të mediave
05/05/2016
Delegacioni i Bashkimit Evropian në Shkup sot do ta promovojë projektin trevjeçar ''Rrjeti i gazetarëve për liri të mediave'', i përkrahur financiarisht me 200.000 euro, transmeton Telegrafi Maqedoni.
Projektin, deri në janar të vitit 2019, do ta implementojë Shoqata e gazetarëve të Maqedonisë, ndërsa qëllimi është nxitja dhe zhvillimi i mjedisit të volitshëm për të drejtat e gazetarëve dhe përmirësimi i raportimit sipas standardeve profesionale dhe etike.
Në promovimin e projektit, fjalim do të mbajë Aivo Orav dhe kryetari i Shoqatës së gazetarëve të Maqedonisë, Naser Selmani. /Telegrafi/