31/07/2025
Lionel Messi tërhoqi vëmendje të madhe pasi festoi me pasion golin e fitores së Inter Miamit në minutën e 96-të kundër Atlas, në kuadër të Kupës së Ligës.
38-vjeçari vrapoi drejt Matias Coccaros dhe shpërtheu në festim “në fytyrën” e tij, duke u siguruar që ky moment të mos kalonte pa u vënë re.
Ky gjest u interpretua nga shumëkush si mungesë respekti, por jo nga trajneri i Atlasit, Gonzalo Pineda.
Duke folur për mediat pas ndeshjes, Pineda deklaroi se nuk e priste një festim të tillë nga argjentinasi.
"U habita nga festimi i Messit pas fitores ndaj nesh", deklaroi trajneri i Atlas.
"Kjo tregon sa e rëndësishme ishte ndeshja për të – pavarësisht gjithçkaje që ka arritur në karrierë", shtoi ai. /Telegrafi/