02/07/2019
Takimi me këngëtarin kolumbian, Maluma, për modelen Kejvina Kthella duket të ketë qenë një ëndërr, e cila tashmë është realizuar.
Modelja shqiptare mbrëmë (e hënë) e ka ndjekur nga afër koncertin e Malumas në Itali, bashkë me reperen Tayna.
Pas koncertit, ajo ka publikuar një fotografi në llogarinë e saj personale në Instagram, derisa shfaqet përkrah tij. "Tani mund të vdes, mirupafshim botë", ka shkruar bukuroshja në përshkrim.
Kejvina për publikun u bë e njohur si velinë e emisionit "Xing me Ermalin", të komikut Ermal Mamaqi.
Që nga aty ajo është komentuar pothuajse për çdo lëvizje, derisa në fokus është gjithnjë fiziku i saj.
Kujtojmë që biondja është larguar nga Shqipëria, për të vazhduar karrierën e saj prej modeleje në Itali. /Telegrafi/
