Barcelona ka vendosur të tërhiqet nga gara për Joshua Kimmich pas rritjes së madhe të Marc Casado nën drejtimin e Hansi Flick.
Flick mbërriti në Barcelonë përpara sezonit 2024/2025 me klubin që ishte në gjendje të vështirë.
Megjithatë, ai identifikoi menjëherë dyshen e La Masia, Marc Bernal dhe Casado si talente për të përforcuar mesfushën, me yjet e ekipit të parë si Gavi, Fermin Lopez dhe Frenkie de Jong që ishin jashtë në fillimin e sezonit.
Casado fillimisht u anashkalua, pasi favorizohej Bernal, por një dëmtim afatgjatë i këtij të fundit i hapi derën të parit për zënë vendin në formacion.
Nuk është sekret që Blaugranat ishin të dëshpëruar për të marrë shërbimet e Joshua Kimmich verën e kaluar dhe këto lajme u përhapën edhe javën e kaluar, me vetë mesfushori gjerman la të kuptohet për një lëvizje të mundshme te Barcelona me kontratën e tij që skadon në qershor 2025.
Ky opsion tani duket se është jashtë tavolinës, pasi Barcelona beson te 21-vjeçari Casado para Kimmich, i cili do të mbushë 30 vjet në shkurt.
Casado ende nuk ka shënuar gol as për ekipin e parë të Barcelonës dhe as për ekipin e tyre rezervë Barcelona B. /Telegrafi/