Një 20-vjeçar thyen rekordin për etiketimin e një harte të Evropës
Një 20-vjeçar, i cili është një gjeni i gjeografisë nga Kina, tregoi aftësitë e tij duke thyer rekordin botëror Guinness për identifikimin e vendeve evropiane.
Organizata e mbajtjes së rekordeve tha se Jonathan Feather Ruggles fitoi rekordin për kohën më të shpejtë për të identifikuar dhe shkruar të gjitha vendet evropiane në një hartë, duke përdorur Sporcle duke e përfunduar detyrën në vetëm 45.85 sekonda.
"Në fakt, nuk jam i sigurt se nga lindi interesi im", tha Ruggles për Guinness World Records, transmeton Telegrafi.
"Por e kam dashur gjeografinë për një kohë të gjatë dhe që atëherë kam bërë edhe kuizet e gjeografisë Sporcle. Në shkollën e mesme, luaja edhe Hearts of Iron IV, i cili është një simulator i Luftës së Dytë Botërore - kjo më bëri të interesohesha për gjeografinë e të gjithë botës dhe historinë", shtoi ai.
Ai u frymëzua për të ndjekur rekordin pasi foli me shoqen e tij, Buffy Bui, e cila më parë theu rekordin botëror Guinness për kohën më të shpejtë për të identifikuar dhe shkruar të gjithë flamujt e Oqeanisë duke përdorur Sporcle. /Telegrafi/