Nga shpërthimi i dy bombolave të gazit në Bogë lëndohen katër persona - tre prej tyre rëndë
Katër persona janë lënduar si pasojë e shpërthimit të dy bombolave të gazit, që ka ndodhur këtë të shtunë në një vilë në fshatin turistik, Bogë të Rugovës.
Të lënduarit janë dërguar për trajtim mjekësor në Emergjencën e Spitalit të Pejës, ndërsa tre prej tyre më pas janë transferuar për në Qendrën Klinike Universitare të Kosovës në Prishtinë.
Lajmin për Telegrafin e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Rreth orës 11:53 minuta, policia është njoftuar se në një vilë në fshatin Bogë kanë shpërthyer dy bombola të gazit. Si pasojë katër persona janë lënduar dhe të njëjtit janë dërguar në Emergjencën e Spitalit të Pejës. Tre prej tyre kanë pësuar lëndime më serioze ndaj janë dërguar më pas në QKUK – Prishtinë”, ka thënë Gashi. /Telegrafi/