Mercedes i thotë lamtumirë transmisioneve manuale
28/05/2022
Blerësit e Mercedes-Benz në mbarë botën së shpejti do të kenë transmisionet automatike si opsionin e tyre të vetëm.
Kjo pasi që, sipas mediave të huaja, përcjell Telegrafi, tanimë janë duke qarkulluar zëra se prodhuesi gjerman i makinave “do të tërheqë transmisionet manuale që nga viti i ardhshëm”.
Sipas një raporti nga Automobilwoche, Mercedes-Benz - do të heqë gradualisht prodhimin e transmisionit manual në vitin 2023 ndërsa bën prezantimin e modeleve të reja.
Ndërsa prodhuesi kishte njoftuar më parë se do të hiqte manualin, kjo është hera e parë që konfirmohet një datë më e saktë. /Telegrafi/