Maqedoni: Ata që nuk mbajnë maska, nuk do të mund të hyjnë në banka ose markete
24/04/2020
Para filialeve të disa bankave në Shkup janë bërë radhë të gjata të qytetarëve, të cilët janë pa maska dhe nuk u lejohet të futen brenda.
Para bankave ka edhe zyrtarë policorë, të cilët janë të angazhuar për të mbajtur rendin dhe të mos krijohen turma. Policët gjithashtu i kujtojnë qytetarët se pa maska nuk do të mund të futen brenda, përcjell Telegrafi Maqedoni.
Masa e njëjtë vlen edhe për hyrje në markete, postë, institucionet shëndetësore dhe komunale.
Qeveria para disa ditësh solli dekret, i cili parasheh gjobë deri 20 euro për personat që nuk mbajnë maska mbrojtëse.
Deri në fund të këtij muaji do të ketë vetëm vërejtje, ndërsa nga 1 maji do të shqiptohen edhe dënimet./Telegrafi/