Makraduli: Hapja e Jugohromit do të bëhet në faza, pas përmbushjes së standardeve ekologjike

Kombinati Jugohrom mund të rifillojë në faza dhe vetëm pas përmbushjes së standardeve ekologjike dhe pas vendosjes së filtrave. Kështu sot deklaroi zv.ministri i Ambientit Jetësor dhe Planifikimit Hapësinor, Jani Makraduli, para fillimit të debatit publik për ajër të pastër.

"Jugohromi u mbyll për shkak të asaj që ka thënë edhe kryeministri Zoran Zaev, menaxhmenti i kombinatit ishte viktimë e presionit dhe kërcënimeve nga pushteti i kaluar", tha Makraduli, përcjell Telegrafi Maqedoni.

Ai potencoi se do të mbeten të përkushtuar që jo vetëm Jugohromi dhe edhe kapacitetet tjera industriale, të përmbushin detyrimet e tyre në pajtim me ligjet në Maqedoni.

I pyetur nga gazetarët në lidhje me grupin e punës së inspektorëve për ndotjen e ajrit, me të cilin u takua javën e kaluar, Makraduli tha se një grup i tillë është formauar për herë të parë nga qeveria dhe ajo do të informojë për aktivitetet e saj./Telegrafi/