Romelu Lukaku ishte njëri nga golashënuesit e Interit në fitoren prej 2-0 kundër Sampdorias që ua siguroi Nerazzurrëve tri pikë shumë të rëndësishme.
Në këtë mënyrë, zikaltrit e kanë ngushtuar në gjashtë diferencën e pikëve me liderin Juventus, kur kanë mbetur edhe 12 xhiro deri në fund të Serie A.
“Ishte shumë e rëndësishme që të fitonim sot, nga tani e deri në fund të sezonit janë 12 finale, të gjitha janë për jetë o vdekje”.
“Tash duhet të fokusohemi dhe të përgatitemi për të mërkurën. Secila ndeshje është e vështirë dhe nuk do të jenë të lehta për askënd”.
“Kemi punuar shumë mirë në stërvitje, skuadra është në formë të mirë fizike, mirëpo duhet të vazhdojmë dhe të forcohemi më shumë, sepse do të kemi ndeshje çdo tri ditë”, ka deklaruar Lukaku për Sky Sport Italia pas ndeshjes. /Telegrafi/