Trajneri i Real Madridit, Julen Lopetegui, e ka filluar me fitore aventurën e tij në La Liga me Los Blancos.
Skuadra e tij fitoi me rezultat 2-0 ndaj Getafes dhe spanjolli është i lumtur me paraqitjen e lojtarëve të tij.
“Kemi arritur të menaxhojmë një skuadër të mirë, kemi shënua dy gola dhe krijuar shumë shanse”.
“Çdo skuadër ka vend për përmirësime, por ne jemi të lumtur. Kemi sulmuar mirë me topin”.
“Jam i kënaqur me lojën dhe sjelljen e lojtarëve. Duhet të jemi skuadra që sulmojmë dhe mbrohemi mirë. Është e vetmja mënyrë që të fitojmë La Ligan”.
“Si trajner dua të marr sa më shumë që është e mundur nga skuadra. Varet nga ne. Jemi të kënaqur që ky grup i lojtarëve është bërë një skuadër e mirë”, ka thënë Lopetegui.
Golat në këtë takim për Realin i shënuan Dani Carvajal dhe Gareth Bale. /Telegrafi/