Seanca e sotme e Kuvendit të Kosovës, e cila u bllokua nga deputetët e opozitës, do të vazhdojë në orën 13:00.
Kryeparlamentari Glauk Konjufca pas konsultimit me shefat e grupeve parlamentare, tha se është e nevojshme që deputetët të marrin pushim.
“Të nderuar deputetë, konsideroj që është e nevojshme ta marrim një pushim. Kjo seancë vazhdon në orën 13:00”, deklaroi ai.
Kjo seancë u bllokua nga deputetët e Partisë Demokratike të Kosovës dhe ata të Aleancës për Ardhmërinë e Kosovës, të cilët dolën para foltores së Kuvendit duke pamundësuar vijimin e seancës në mënyrë normale.
Shefi i Grupit Parlamentar të Partisë Demokratike të Kosovës, Abelard Tahiri, paralajmëroi se derisa çështja e veteranëve të trajtohet nga Qeveria nuk do të ketë seancë normale në Kuvend. /Telegrafi/