27/12/2023
Kryeministri Albin Kurti, ka ngushëlluar familjarët dhe gazetarët për ndarjen nga jeta të gazetarit Arton Turkaj.
Kurti tha se, para ardhjes së gazetarëve në pritjen e fundvitit të organizuar nga ai, ka mësuar për ndarjen nga jeta të gazetarit Arton Turkaj.
“Para ardhjes tuaj këtu, e kemi mësuar lajmin e trishtë të ndarjes së hershme nga jeta e kolegut tuaj, Arton Turkaj. Janë të shumta komentet satirike të tij, të cilat i kam parë e që do të na mungojnë. Do të na mungojë Artoni. Ngushëllime familjarëve të gjithë e secilit prej juve. Ngushëllime të gjithë juve, e të gjithë neve”, ka thënë Kurti, në takim me gazetarët. /Telegrafi/