01/09/2017
Kosova e grupmoshave të reja U-21 ka shënuar fitore në kuadër të kualifikimeve për evropian.
Përfaqësuesja jonë triumfoi para shikuesve të vetë kundër Norvegjisë me rezultat 3-2.
Në fakt, norvegjezët kishin epërsi prej dy golave kundër skuadrës sonë, ku golashënues ishin Morten Thorsby dhe Martin Odegaard.
Goli i këtij të fundit ka bërë bujë të madhe edhe në shtetin spanjoll pasi që lojtari është pjesë e Real Madridit ndërsa u huazua te Herenveen.
Norvegjezi realizoi gol prej gjuajtjes së lirë në minutën e 35-të ndërsa distanca ishte rreth 30 metra.
Golat për fitoren e Kosovës i shënuan Florent Hasani dhe Enis Bytyqi, ku ky i fundit realizoi dygolësh. /Telegrafi/