Alisson Becker është njëri nga portierët më premtues në botë.
E Roma duket se nuk dëshiron të heqë dorë nga ylli i saj që ka bërë magji me pritjet e tij në Serie A dhe Ligën e Kampionëve.
Portieri brazilian ka shkëlqyer në vitin e tij të dytë në Romë duke bërë të gjithë tifozët për vete.
Por pas tij janë vënë skuadra të mëdha evropiane si Liverpool, Real Madrid e Paris Saint Germain.
Roma që gjithmonë ka pasur probleme me portierë nuk po dëshiron ta largojë lojtarin.
Kësisoj Giallorosët kanë filluar bisedimet me agjentin e lojtarit për një kontratë të re pasi aktualja skadon në verën e vitit 2021.
Kontrata e re do të jetë deri në vitin 2023 dhe do të ketë rritje page për lojtarin.
Alisson aktualisht ka një pagë vjetore prej 2,5 milionë euro ndërsa në kontratën e re do të ketë dyfishin e kësaj page pesë milionë euro në vit dhe bonuse.
25-vjeçarit do t’i vendoset edhe një klauzolë largimi prej 90 milionë euro.
E në rast se do të thyhej kjo klauzolë, atëherë Alisson do të bëhej portieri më i shtrenjtë në histori. /Telegrafi/