Sulmuesi argjentinas, Paulo Dybala mund të largohet këtë verë nga klubi italian, Juventusi.
Zonja e Vjetër u eliminua nga 1/8-ta e Ligës së Kampionëve nga Lyoni dhe kjo ka sjell humbje të mëdha te klubi italian.
Drejtuesit e klubit tashmë po mendojnë për financa dhe me emërimin e Andrea Pirlos si trajner pritet të ketë shumë ndryshime.
Shumë nga senatorët dhe yjet e ekipit mund të largohen për të ulur shpenzimet e pagave dhe për të krijuar buxhet për blerje të reja.
Sipas mediumit italian Gazzetta dello Sport, Dybala mund të shitet nga Juventusi këtë verë, pasi Bianconerët janë të hapur rreth këtij largimi.
Juve shpreson ta fitojë një shumë të konsiderueshme parash në rast shitje të Dybalas, i cili pëlqehet nga klubet angleze si Manchester United dhe Tottenham. /Telegrafi/