Italia me sy nga coronavirusi, 10 fshatra në karantinë pasi numri i të prekurve vazhdon të rritet
Numri i përgjithshëm i rasteve të konfirmuara në Itali është rritur në 55.
Kjo përfshin 39 raste të konfirmuara në rajonin verior të Lombardisë dhe 12 në rajonin Veneto, tha kreu i departamentit të shëndetit të Lombardisë, Giulio Gallera, në një konferencë për shtyp të shtunën, transmeton Telegrafi.
Një paciente 77-vjeçare me coronavirus u gjet e vdekur në shtëpinë e saj në Lombardi, konfirmuan autoritetet.
"Mund të themi se ajo është viktima e dytë e coronavirusit në Itali", tha Gallera.
Të gjitha aktivitetet publike janë pezulluar gjithashtu në 10 fshatra në jug të Milanos, shtoi Gallera.
Sipas faqes së internetit të rajonit të Lombardisë, stacionet e trenave në tre vende të prekura nga shpërthimi - Codogno, Maleo, Casalpusterlengo - do të mbyllen nga e shtuna.
"Të gjithë njerëzit (të cilët) testuan pozitivisht kanë qenë në kontakt, direkt ose indirekt me spitalin e Codogno", tha guvernatori i rajonit të Lombardisë, Attilio Fontana. /Telegrafi/