Interi është duke eksploruar mundësinë e ri-nënshkrimit të Mateo Kovacic nga Real Madridi.
Interi është duke menduar për transferime të reja për sezonin e ardhshëm, sidomos në mesfushë.
Shumë emra të njohur janë përfolur si transferime të mundshme nga Interi, ndërsa ndër më të përfolurit është ish-lojtari i tyre, kroati Kovacic.
Sipas mediumit italian Corriere dello Sport, trajneri i Interit, Luciano Spalletti ka miratuar rikthimin e reprezentuesin kroat në Giuseppe Meazza.
Kovacic është i përgatitur të largohet nga Reali këtë verë pasi po përpiqet të gozhdoj një vend titullari në ekipin e parë dhe te spanjollët nuk po ia del.
Së bashku me Kovacic, Inter po e vështron edhe mesfushorin e Sportingut, portugezin William Carvalho.
Interi gjithashtu e ka në radar edhe talentin italian të Cagliarit, Nicolo Barella, për të cilin është gati të ofroj edhe dy lojtarë të rinj.
Ndryshe, mesfushori 23-vjeçar kroat, u largua nga Interi në vitin 2015 për një shifër që me gjithë bonuset sillet rreth 35 milionë euro. /Telegrafi/