Iglesias ishte arrestuar në Florida

Enrique Iglesias raportohet të jetë ndaluar nga policia në Miami të Floridës, pasi drejtonte automjetin me një patentë të pezulluar.

Këngëtari spanjoll pretendohet se ka kaluar në krahun e pasagjerit në momentin që polici e kishte ndaluar, ndërsa pasagjeri i është drejtuar vendit e shoferit, transmeton Top Channel.

Mirëpo, duket se kjo hile nuk ka funksionuar, pasi sipas TMZ, si Enrique, ashtu edhe shoqëruesi i tij, i cili raportohet të ketë qenë menaxheri i turneut, janë arrestuar.

Por pas paraqitjes në polici, Enrique dhe shoqëruesi i tij janë lënë të lirë.