Samir Handanovic dëshiron të luajë në Derby della Madoninna ndaj Milanit, megjithë thyerjen e njërit gisht të dorës, por portieri i Interit rrezikon operacionin.
Interi dhe Milani do të luajnë derbin e madh lokal këtë javë, me ndeshjen e paraparë të zhvillohet të dielën nga ora 20:45.
Portieri slloven humbi fitoren 2-0 të javës së kaluar në Udinese pasi thyerja e gishtit të vogël në dorën e majtë gjatë një seance stërvitore e mbajti jashtë.
Burime të shumta raportojnë se Handanovic dhe Interi do të bëjnë gjithçka për ta nxjerrë atë në fushë në derbi dhe flitet se ai mund ta ketë ndihmën e një doreze mbrojtëse nën dorëzën e tij.
Megjithatë, sipas Corriere dello Sport, ekzistojnë rreziqe, pasi një goditje në gisht mund të lëvizë këtë nga një frakturë në diçka më të rrezikshme, e cila më pas mund të kërkojë operacion.
Tommaso Berni është pezulluar pasi u ndëshkua me të kuq nga bankina për kundërshtim, kështu që e vetmja mundësi e mbetur është Daniele Padelli.
Ai luajti kundër Udineses javën e kaluar, por kjo ishte ndeshja e tij e parë në Serie A që nga gushti i vitit 2016. /Telegrafi/