Gjendja e komunikacionit sot në Maqedoni

Komunikacioni në rrugët shtetërore zhvillohet nëpër korsi të thata, por ka prani të lagështisë në rrugët që përshkojnë vendet më të larta, përcjell Telegrafi Maqedoni.

Sipas Lidhjes Auto-Moto të Maqedonisë (LAMM), shoferët duhet gjithsesi të kenë kujdes, të përshtatin shpejtësinë e lëvizjes dhe të respektojnë sinjalistikën rrugore.

Nëpër gryka dhe ngushtica mali mund të shfaqen rrokullisje të gurëve, ndërkaq dendësia e komunikacionit jashtë qyteteve është mesatare.

Në vendkalimet kufitare nuk ka pritje të gjata për hyrje-dalja nga Maqedonia dhe kjo informatë vlen vetëm për pjesën e Maqedonisë./Telegrafi/

*Foto Ilustrim