21/04/2021
Fede Valverde ka rezultuar pozitiv me coronavirus dhe këtë e ka konfirmuar Real Madridi në faqen e vet zyrtare.
Uruguaiani ishte vetizoluar duke qenë rast kontakti, ndërsa pas testimit, ai ka rezultuar pozitiv me COVID-19.
Mungesa e tij është një kokëçarje shtesë për trajnerin Zinedine Zidane, i cili ka pasur mungesa të vazhdueshme të lojtarëve këtë sezon.
Ai pritet të mungojë ndaj Cadizit dhe Real Betisit në La Liga, si edhe ndaj Chelseat në Ligën e Kampionëve.
Reali e zhvillon sfidën e parë gjysmëfinale kundër Bluve të Londrës më 27 prill në stadiumin ‘Alfredo Di Stefano’. /Telegrafi/