Elkos dhuroi 600 pako ushqimore në ditën e parë të Ramazanit
Kompania Elkos në ditën e parë të Ramazanit ka dhuruar 600 pako ushqimore.
Pakot ushqimore janë shpërndarë përmes Bashkësive Islame, në pothuajse të gjitha qytetet e Kosovës, transmeton Telegrafi.
"Dita e parë e Ramazanit filloi me aktivitete humaniare nga Elkos Group dhe ETC. 600 PAKO me Produkte Ushqimore janë duke u shpërndarë përmes Bashkësive Islame gati në të gjitha qytetet e Kosovës. Shpresojmë të kemi plotësuar sado pak nevojat e konsumit familjar në këto ditë feste. Falënderime pafund pranuam nga përfaqësuesit e Bashkësisë Islame të cilët vlerësuan shumë kontributin e Elkos dhe vet pronarit z.Ramiz Kelmendi të cilët janë afër qytetarëve në çdo festë", thuhet në njoftimin e kompanisë Elkos.
Kompania Elkos ka uruar të gjithë besimtarët myslimanë për muajin e shenjtë të Ramazanit. /Telegrafi/