Dita Ndërkombëtare të Personave me Aftësi të Kufizuara - Hyseni premton mbështetje për organizatat që ofrojnë shërbime për këtë komunitet

Sot shënohet dita ndërkombëtare për persona me aftësi të kufizuara, me çrast Handikos në Gjilan ka organizuar tryezë ku diskutimet u fokusuan te sfidat që përballen këta persona.

Gjithashtu gjatë këtij takimi u diskutua edhe zbatimi i ligjeve për përfshirje sociale dhe përmirësim të qasjes në arsim, punësim dhe infrastrukturë.

I pari i komunes z.Alban Hyseni ka premtuar mbështetje për organizatat që ofrojnë shërbime për këtë komunitet dhe u solidarizua me vështirësitë me të cilat ballafaqohen kjo kategori.

Ndryshe, të pranishëm ishin kryetari i komunës së Gjilan z.Alban Hyseni, drejtori i QKMF-së, drejtori QPS-së, drejtori i DKA-së, përfaqësuesi i zyrës së avokatit te populli z.Shemsedin Mustafa, shefat e grupeve parlamentare të partive politike dhe perfaqësues të tjerë nga institucionet lokale.

Gjithashtu, u shpërndanë mirënjohje për kontributin e dhënë gjatë vitit 2024 për avokimin për personat me aftësi të kufizuara. /Telegrafi/