Vedat Muriqi e ka nisur në mënyrën më të mirë të mundshme aventurën e tij tek Rizespori.
Sulmuesi prizrenas iu bashkua ditë më parë klubit turk nga Genclerbirligi por që shuma nuk është bërë publike.
E në ndeshjen debutuese për Rizesporin, Muriqi shkëlqeu duke shënuar dy gola në fitoren 0-3 si mysafirë tek Manisaspor.
Muriqi e nisi ndeshjen nga minuta e parë dhe golin e parë e shënoi në minutën e 72-të pas asistimit nga Samudio.
Goli i dytë i reprezentuesit kosovar ishte fantastik pasi shënoi me gjysmë volle nga distanca.
23-vjeçari luajti gjatë tërë ndeshjen dhe tregoi se transferimi i tij ishte i duhuri nga Rizespori.
Pas 18 javëve në Ligën e Parë të Turqisë, Rizespor zë pozitën e tretë në tabelë me 34 pikë një më pak se vendi i dytë dhe i parë.
Rizespor po lufton për tu rikthyer në elitën e futbollit turk. /Telegrafi/
https://twitter.com/TFF1Liggoller/status/955083028296060929
18. Hafta / Manisaspor 0 - 2 Çaykur Rizespor
Gol: Vedat Muriç pic.twitter.com/jf5zOHwlui
— TFF 1. Lig Golleri (@TFF1Liggoller) January 21, 2018