Antonio Conte ka konfirmuar se Interi po punon që ta transferojë Romelu Lukakun nga Manchester United në këtë afat.
Sulmuesi belg lidhet me një largim nga Old Trafford në këtë verë, pasi në sezonin e kaluar nuk kishte arritur ta impresiononte Ole Gunnar Solskjaerin me formën e tij.
Nerazzurët janë duke hasur në vështirësi në transferimin e sulmuesit, pasi në garë janë edhe Juventusi dhe Napoli që është futur së fundmi në garë.
“Ne jemi duke punuar që ta realizojë marrëveshjen”, ka thënë trajneri italian pas fitore ndaj Tottenham Hotspurit në International Champion Cup.
“Kam dëgjuar se ka disa vështirësi në marrëveshje, por në këto momente po shpresoj që marrëveshja të kompletohet”, ka shtuar më tej Conte.
United thuhet se është i gatshëm që ta shkëmbej 26-vjeçarin me Paulo Dybalan, por është argjentinasi që nuk dëshiron të transferohet në Ligën Premier. /Telegrafi/