Raportohet se Chelsea i ka paguar 31 milionë euro si kompensim për shkarkimin e trajnerit Antonio Conte në vitin 2018.
Conte e kishte fituar Ligën Premier në sezonin e tij të parë me Blutë, por u shkarkua, ndërsa në vend të tij shkoi Maurizio Sarri.
Trajneri italian e fitoi edhe FA Kupën në vitin e tij të dytë me klubin londinez.
Sky Sports News shkruan se ndarja dy vite më herët me Conten i ka kushtuar llogarive të klubit 31 milionë euro.
Këto para kanë shkuar për kompensimin e trajnerit, stafit të tij dhe kosto ligjore.
Këtë verë, trajneri tani 50 vjeçar ka marr drejtimin e Interit, ku po arrin suksese deri tani.
Ai me ekipin e tij janë protagonist këtë vit në Serie A, ku së bashku me Juventusin po e kryesojnë kampionatin me pikë të barabarta. /Telegrafi/