Biden dhe Zelensky zhvillojnë bisedë telefonike që zgjati 40 minuta

Presidenti amerikan Joe Biden dhe ai ukrainas Volodymyr Zelensky, kanë zhvilluar një bisedë telefonike lidhur me sanksionet dhe asistencën mbrojtëse.

Shtëpia e Bardhë ka konfirmuar se biseda telefonike ka zgjatur 40 minuta mes dy presidentëve, transmeton Telegrafi.

Zelensky ka ndarë detaje nga biseda me homologun amerikan, duke bërë një postim në llogarinë e tij në Twitter.

“Dikutuam për forcimin e sanksioneve, ndihmën konkrete të mbrojtjes dhe një koalicion kundër luftës”, ka shkruar Zelensky.

Biseda u zhvillua në kohën kur Rusia përhapi dezinformata se Zelensky ka braktisur Kievin, dhe se vendi ka mbetur pa lider.

Megjithatë ai postoi një video ku u shfaq në Kiev së bashku me disa këshilltarë. /Telegrafi/