Arrestohet për krime lufte një serb në Istog
03/06/2022
Policia e Kosovës ka arrestuar një serb për krime lufte të kryera ndaj popullatës civile në Kosovë në periudhën gjatë viteve 1998-1999.
Sipas raportit të Policisë së Kosovës, rasti ka ndodhur në muajt mars-maj të vitit 1998 në fshatin Gurakoc, të Istogut.
Tutje në raport bëhet e ditur se i njëjti me vendim të prokurorit dërgohet në mbajtje.
“Pas një pune hetimore të kryer nga njësia e Hetimeve të Krimeve të Luftës është identifikuar dhe arrestuar i kërkuari mashkull serb për krime lufte të kryera ndaj popullatës civile në Kosovë në periudhën gjatë viteve 1998-1999. I njëjti me vendim të prokurorit dërgohet në mbajtje. Rasti nën hetime”, thuhet në raport. /Telegrafi/