Arilena Ara solli albumin e ri “Pop Art” vetëm pak javë më parë, të cilin e ka promovuar me një koncert në Tiranë.
Këngëtarja e njohur mbajti një koncert madhështor në Sheshin “Skënderbej”, në mesin e një numri të madh adhuruesish që ishin të mbledhur ta përcillnin nga afër.
Me një atmosferë dhe skenografi po ashtu madhështore, Arilena performoi këngën e reja nga albumi i fundit.
Pjesë e koncertit të këngëtares si të ftuar special ishin edhe artisti shqiptar me famë ndërkombëtare, Gjon Muharremaj i njohur si Gjon’s Tears, me të cilin ka bashkëpunuar në këngën “Dance Me”.
Ndërsa, edhe reperin Noizy me të cilin ka bashkëpunuar në projektin “Murdere”, u shfaq në skenë për ta shoqëruar artisten.
Dhjetëra mijëra fansa dhe miq të këngëtares u bën bashkë në kryeqytetin shqiptar në Sheshin “Skënderbej”.
Ndërkohë, pas koncertit Arilena Ara dhe Gjon Muharremaj kanë mbajtur edhe një konferencë të përbashkët për media. /Telegrafi/
