Më 27 prill, Ariana Grande do ta publikojë këngën e re që është pjesë e albumit të ardhshëm - bën të ditur Billboard.
Albumin do ta realizojë në bashkëpunim me Max Martin, Savan Kotecha dhe Pharrell Williams, ndërsa në të do të përfshihen edhe fragmente nga jeta e këngëtares në dy vitet e fundit.
Kënga e re do të jetë e para e Arianas pas sulmeve që ndodhën gjatë koncertit të saj në qytetin e Mançesterit.
Më 22 maj të vitit të kaluar nga shpërthimi i një bombe në Manchester Arena humbën jetën 23 njerëz, ndërsa 500 të tjerë u plagosën.
Sulmuesi, i cili besohet të ketë qenë një britanik 22-vjeçar me origjinë nga Libia, thuhet se e ka humbur jetën gjatë sulmit.
Dy javë pas sulmit, Grande së bashku shumë yje të njohura, si Justin Bieber, Miley Cyrus, "The Black Eyed Peas" e "Coldplay", mbajtën një koncert të titulluar "One Love Manchester" - për t'i thënë 'JO' terrorizmit dhe frikës, ndërsa përfitimet (rreth 11.5 milionë euro) shkuan për familjet e viktimave.
Nga performancat më të fundit të Arianas, përmendim pjesëmarrjen e saj në evenimentit 'March For Our Lives' në Washington, ku interpretoi këngën "Be Alright". /Telegrafi/
