Apple ka ekzagjëruar jetëgjatësinë e baterisë të linjës së re të iPhone

Apple po ekzagjeron jetëgjatësinë maksimale të baterisë të iPhone-ëve të tyre, sipas një raporti të ri nga Which?, një grup advokimi i bazuar në Mbretërinë e Bashkuar.Which?  tha se në testimet e nëntë modeleve të iPhone, gjeti se të gjithë ata kanë jetëgjatësi më të vogël të baterisë, prej 18% deri në 51%.Shkelësi më i madh i grupit ishte iPhone XR, për të cilën Apple pretendonte se do të zgjaste 25 orë. Testimet e Which? megjithatë, zbuluan se bateria e telefonit zgjati vetëm 16 orë dhe 32 minuta, për një mospërputhje prej 51%.Rezultatet për iPhone XR janë të habitshme, duke qenë se jeta e baterisë konsiderohet të jetë një nga pikat e forta të pajisjes në rishikimin e saj nga njohësi i telefonisë mobile, Julian Chokkattu. Telefoni inteligjent gjithashtu ofroi performancë të shkëlqyeshme dhe një  kamerë të mirë për çmimin e ultë, krahasuar me iPhone XS dhe iPhone XS Max. Which? gjithashtu gjetën mospërputhje me pretendimet e jetës së baterisë të telefonave HTC, megjithëse jo aq sa dallimet tek vlerësimet e Apple. Koha mesatare e bisedimeve e HTC-së për disa telefona të mençur thuhej të ishte 20.5 orë, por në teste zgjatën vetëm mesatarisht 19.6 orë, një ndryshim prej 5%. /Telegrafi/