19/08/2026
Rreth orës 12:30 është pranuar informata për një aksident trafiku me lëndime në rrugën “Agim Ramadani” në Prishtinë.
Zëdhënësi i Policisë për Rajonin e Prishtinës, Enis Pllana, ka bërë të ditur se në aksident janë përfshirë një veturë dhe një motoçikletë.
Sipas informatave fillestare, nga aksidenti ka pësuar lëndime një person, i cili ka pranuar tretman mjekësor.
“Me rastin po merret Trafiku i Kryeqytetit”, ka deklaruar Plana.
Hetimet për zbardhjen e rrethanave të aksidentit janë në zhvillim. /Telegrafi/
