Aksident në hyrje të Vushtrrisë, lëndohen gjashtë persona
11/12/2017
Një aksident trafiku ka ndodhur sot rreth orës 19:30 në hyrje të Vushtrrisë.
Në këtë aksident janë përfshirë dy vetura, ndërkaq janë lënduar gjashtë persona, të cilët kanë kërkuar tretman mjekësor.
Lajmin e ka konfirmuar për Telegrafin, zëdhënësi i Policisë për rajonin e Mitrovicës, Avni Zahiti.
Zahiti ka thënë se aksidenti ka ndodhur afër fabrikës "Llamkos", si pasojë e mosmbajtjes së distancës së duhur nga veturat. /Telegrafi/