06/06/2021
Një aksident trafiku ka ndodhur sot rreth orës 10:30 në udhëkryqin e rrugëve "Ukshin Hoti"-"Robert Doll" , në Prishtinë.
Lajmin për Telegrafin e kanë konfirmuar nga Policia e Kosovës.
Në këtë aksident kanë qenë të përfshira dy automjete. Bazuar në të dhënat fillestare nga vendi i ngjarjes, pesë persona kanë pësuar lëndime trupore.
Pas aksidentit, njëra nga veturat është rrokullisur. Me rastin po merret njësiti i trafikut rrugor. /Telegrafi/
