Ambasada amerikane në Prishtinë mirëpret marrëveshjen për targat

Ushtruesi i detyrës së ambasadorit të SHBA-ve në Kosovë, Nicholas J. Giacobbe e ka quajtur lajm të mirë marrëveshjen Kosovë-Serbi për çështjen e targave.

Giacobbe në një postim në Twitter shkruan se kjo është një shembull se si riangazhimi në dialog mund të ketë përfitime reale dhe të qëndrueshme për kosovarët dhe serbët.

“Lajm i mirë nga Brukseli – një shembull se si riangazhimi në dialog mund të ketë përfitime reale dhe të qëndrueshme për kosovarët dhe serbët. Falënderim Miroslav Lajçakut për ndërmjetësimin dhe partnerët kosovarë dhe serbë për dëshirën dhe gatishmërinë e tyre për të negociuar”, shkruan Giacobbe.

Ndryshe, i dërguar i Bashkimit Evropian në dialogun Kosovë – Serbi, Miroslav Lajçak, ka konfirmuar se është arritur një marrëveshje për targa mes Kosovës dhe Serbisë.

Lajçak në një postim në Twitter shkruan se pas dy ditëve të negociatave intensive është arritur një marrëveshje për deeskalim të situatës, ndërsa ka falënderuar Bislimin dhe përfaqësuesin e Serbisë për gatishmërinë për të negociuar. /Telegrafi/

Good news from Brussels—an example of how reengagement in Dialogue can have real, lasting benefits for ordinary Kosovans and Serbs. Thanks to EUSR @MiroslavLajcak for facilitating and to Kosovan and Serbian partners for their willingness and readiness to negotiate. https://t.co/XXY0R06ZdA

— Chargé d’Affaires Nicholas J. Giacobbe, Jr (@USAmbKosovo) September 30, 2021