Alvaro Morata pësoi dëmtim të rëndë dhe doli nga fusha me lot në sy, me shumë gjasë humb ndeshjen e Ligës së Kampionëve

Alvaro Morata pësoi një ndrydhje në gju në një humbje 1-0 ndaj Sevillas dhe u largua nga fusha në lot, kështu që ka shumë të ngjarë që ai të humbasë ndeshjet e ardhshme kundër Interit në Ligën e Kampionëve.

Sulmuesi spanjoll u detyrua të largohej nga fusha në minutën e 46-të dhe Atletico Madrid konfirmoi në Twitter, se ish- sulmuesi i Juventusit kishte pësuar një ndrydhje në gju.

Morata u largua nga fusha në lot, i shoqëruar nga anëtarët e stafit të Atletico Madrid.

Ai do t’i nënshtrohet testeve mjekësore në orët në vijim, por duket se nuk ka gjasa që ai të rikuperohet në kohë për ndeshjet e Ligës së Kampionëve të Atletico Madrid kundër Interit.

…ovunque sei e sarai hai un pezzo del nostro cuore.
Forza Alvarito #Morata pic.twitter.com/5RfSGiHkdV

— Pat®izia 𐂂◽️◾️ (@l4_p4tr1z14) February 11, 2024

Ndeshja e parë do të luhet në San Siro më 20 shkurt, ndërsa ndeshja vendimtare do të luhet në Madrid më 13 mars.

Morata ka pasur një sezon të mrekullueshëm me 19 gola të shënuar në 32 paraqitje në të gjitha garat në nivel klubesh.

Lexo po ashtu Griezmann dhe Morata vazhdojnë të jenë dyshja më e mirë në Evropë

Atletico Madrid fitoi grupin e Ligës së Kampionëve përpara Lazios, ndërsa Interi ishte i dyti i Grupit D nën skuadrën e La Ligës, Real Sociedad. /Telegrafi/