Allegri po i vlerëson sulmuesit për ndeshjen ndaj Ajaxit

Massimiliano Allegri nuk ka shprehur kurrfarë shqetësimi për humbjen e Juventusit nga Psali, ndërsa ka thënë se Moise Kean dhe Paulo Dybala janë në garë për të startuar ndaj Ajaxit.

Zonjës së Vjetër i mjaftonte një barazim për t’u shpallur matematikisht kampioni Italisë për të tetën herë resht, mirëpo trajneri vendosi të luante me futbollistë të rinj duke i lënë të pushojnë lojtarët kryesorë.

“Kisha nevojë të shihja gjendjen fizike të Juan Cuadrados, i cili fatkeqësisht nuk është në listën e skuadrës për Ligën e Kampionëve, si edhe të Dybalas, gjendja fizike e të cilit nuk ka qenë në nivelin më të mirë. Sa më shumë që luan, aq më në formë po hyn”.

Lexo po ashtu Të gjitha lajmet nga Juventus

“Në një klub të madh duhet të luftosh secilën ditë që ta meritosh vendin tënd në skuadër dhe jam shumë i kënaqur me atë që bëri sot. Është një shenjë e mirë për të martën, sepse duhet të jemi të gatshëm dhe të përgatitur për vazhdime potenciale”, ka thënë Allegri pas ndeshjes.

Kjo ishte ndeshja e gjashtë radhazi (duke përfshirë Italinë dhe Juventusin) në të cilën 19-vjeçari Kean shënon, prandaj trajneri e ka bërë të qartë se ai mund të luajë kundër Ajaxit të martën. /Telegrafi/