Allegri në ndjekje të rekordit të Capellos me Milanin, është vetëm tri ndeshje larg  

Massimiliano Allegri dëshiron që Juventusi të ndjekë hapat e Milanit të Fabio Capellos me një fillim rekord të kampionatit.

Ekipi i Allegrit ka fituar të gjitha 10 ndeshjet e tyre konkurruese dhe tani janë vetëm tre ndeshja larg barazimit të rekordit të vendosur nga Fabio Capello me Milanin në vitin 1992, kur kuqezinjtë fituan 13 takimet e tyre të para.

“Si një djalë i ri i pëlqeja trajnerët fitues, si Capello. Ne duam të bëhemi numër një”, ka thënë fillimisht Allegri për Corriere dello Sport.

Lexo po ashtu Allegri: Nuk jemi ende 100 për qind, Dybala po kthehet, Bernardeschit ia tërhoqa veshin

Tre ndeshjet e ardhshme të Serie A të Bianconerëve janë të favorshme. Ata presin Genoan javën e ardhshme përpara udhëtimit për t’u përballur me Empolin të shtunën e ardhshme, ndërsa e fundit vjen ndeshja në shtëpi kundër Cagliarit.

Ndeshja kryesore në kërkimin e tyre për rekord duket të jetë ndeshja e tretë në Ligën e Kampionëve, kur Juventusi udhëton në Old Trafford për t’u përballur me Manchester Unitedit.

Allegri ishte një lojtar i Pescara kur Milan vendosi rekordin 26 vjet më parë.

Lexo po ashtu Allegri: Është koha që Juventusi të fitojë edhe në Evropë

“Isha në fushë kur ekipi i Capellos u kthye nga disavantazhi 4-2 për të fituar 5-4 dhe kjo ishte fitorja e pestë e njëpasnjëshme. Më pas ai deklaroi se skuadra e tij nuk do të humbiste më në atë sezon”.

“Më pëlqen të përqendrohem ndeshje pas ndeshjes”, përfundoi trajneri i Juventusit. /Telegrafi/