Allegri: Milani është në formë të mirë, na nevojitet paraqitje e shkëlqyer për rezultat pozitiv

Massimiliano Allegri ka folur para ndeshjes së madhe që Juventusi e zhvillon në udhëtim te Milani.

Zonja e Vjetër do të udhëtoj drejt Milanos për të zhvilluar në San Siro ndeshjen derbi të javës së 12-të në Serie A, ndeshja e cila pritet të fillojë nga ora 20:30.

Para kësaj ndeshje ka folur trajneri i Juventusit, Allegri, i cili sfidat e Milanin i ka cilësuar si të balancuara gjithmonë.

Lexo po ashtu Juventusi i kompletuar, Milani me shumë mungesa - lojtarët e ftuar nga Allegri e Gattuso

Sipas trajnerit italian, ekipit të tij i nevojitet një paraqitje e shkëlqyer për të marrë një rezultat pozitiv, pasi Milani është në formë të lartë dhe luan para tifozëve të vet.

“Milan-Juventus është gjithmonë një takim i balancuar”, ka thënë fillimisht Allegri në konferencën e tij për shtyp para ndeshjes.

“Ne do të luajmë para 70 mijë njerëzve në një stadium që i shtyn përpara Rossonerët”.

Lexo po ashtu Milan – Juventus, sfida e rekordeve

“Ne duhet të bëjmë një performancë të shkëlqyer, si në aspektin taktik, ashtu edhe fizik që të dalim nga San Siro me një rezultat pozitiv”.

“Milani është në formë të mirë. Edhe pse humbën në minutën e fundit në derbin ndaj Interit, ata fituan pesë nga gjashtë ndeshjet e fundit”, përfundoi italiani. /Telegrafi/