Allegri: Interi luajti mirë, ne bëmë paraqitje të jashtëzakonshme  

Massimiliano Allegri ka folur pas fitores së madhe ndaj Interit në udhëtim në derbin e Italisë i njohur ndryshe si Derby d’Italia.

Juventusi ka arritur të marr një fitore të madhe ndaj Interi, duke u rikthyer nga disavantazhi prej 2-1, për të fituar në fund 2-3 dhe kjo fitore e ka lumturuar Allegrin.

“Ishte një mbrëmje e mrekullueshme e futbollit mes dy ekipeve që duhej të fitonin dhe provuan me të gjitha”, ka thënë fillimisht Allegri për Mediaset Premium.

Lexo po ashtu Juventusi fiton me rikthim ndaj Interit në Derby d'Italia

“Ne ishim agresiv dhe luajtëm mirë gjatë pjesës së parë, por ne ramë në gjumë në zhveshtore dhe përfunduam duke u zvarritur”.

“Interi ka luajtur mirë, por u lodh në fund, u shkatërrua fizikisht dhe morëm avantazhin. Është një hap tjetër drejt Scudettos, edhe pse mbetet shumë e vështirë”.

“Asgjë nuk është e sigurt në futboll. E dija se do të ishte e vështirë dhe në katër raundet e fundit ka gjithmonë më shumë presion se kur luani në shtator”.

Lexo po ashtu Inter 2-3 Juventus, notat e lojtarëve në derbin e Italisë

“Edhe një skuadër me forcë të madhe mendore do të ketë momente ku ata humbin besimin. Për fat të mirë, djemtë e kanë gjetur përsëri dhe e kemi kthyer atë”.

“Fitorja ndaj Interit do të bëjë një ndryshim të madh në garën e Scudettos. Është shumë e vështirë për të fituar në San Siro dhe djemtë bënë një performancë të jashtëzakonshme”, përfundoi italiani. /Telegrafi/