Trajneri i Juventusit, Massimiliano Allegri, ka folur për blerjen e re dhe më të madhen në histori të klubit Cristiano Ronaldon.
Sipas tij ardhje e CR7 është një hap i madh i klubit, por edhe i futbollit italian.
Ai shtoi se do të takohet me Ronaldon të hënën kur do të bëhet edhe prezantimi tij.
Massimiliano Allegri (Getty Images)
“Blerja e Ronaldos mendoj se është shumë e rëndësishme, një hap cilësor për shoqërinë dhe për të gjithë ambientin”.
“Nuk kam folur asnjëherë me Ronaldon, por besoj se do takohemi të hënën, kur të bëhet edhe prezantimi zyrtar”.
Allegri në stërvitjen e tij të parë këtë sezon
“Sa i përket triumfit në Ligën e Kampionëve, me blerjen e Ronaldos do të jemi më të vetëdijshëm për forcën tonë në fushë, por kjo nuk përkthehet në sukses të padiskutueshëm”.
“Çdo vit te Juventusi e përjetoj si një cikël të ri, por këtë herë merr edhe më shumë vlerë, pasi po bëjmë një afat kalimtar të denjë për klube të mëdha”, ka thënë Allegri. /Telegrafi/
