Njeriu i parë i grupit mercenarë rus, Wagner, Yevgeny Prigozhin tregon në detaje se si Ukraina planifikon ta rikthejë Krimenë.
Ai është aq i sigurt për këtë saqë para kamerave ka shfaqur hartën e gadishullit të aneksuar në vitin 2014, duke shpjeguar se si do të sulmonte ushtria ukrainase.
Prigozhin mund të ketë të drejtë, duke marrë parasysh sulmet e shpeshta të ushtrisë ukrainase në Krime, apo ndoshta është vetëm një shfaqje. Nëse është kjo e fundit, çfarë po synon Prigozhin?
Siç tha kreu i grupit më famëkeq mercenar rus, ukrainasit dëshirojnë “t’i japin tri goditje forcave ruse dhe ta çlirojnë territorin deri në kufijtë e vitit 1991”. Gjithashtu, Prigozhin pretendon se Ukraina ka përqendruar 200 mijë ushtarë në Donbas, nga të cilët 80 mijë janë afër Bakhmutit.
The Ukrainian armed forces have gathered over 80,000 servicemen around Bakhmut. Yevgeny Prigozhin, Wagner boss, said in a video published on his press service’s Telegram channel.
"As of today, the enemy has deployed more than 80,000 [servicemen] around Bakhmut. This grouping is… pic.twitter.com/gTc085OdU4
— Yasmina (@yasminalombaert) March 23, 2023
“Planet përfshijnë një pushtim të rajonit të Belgorodit në Rusi që do të përdorej për këmbim me Luhanskun dhe Donbasin dhe më në fund çlirimin e Krimesë”, thotë Prigozhin ndërsa vizaton në një hartë të Ukrainës.
Më tej ai shpjegon se janë krijuar kushtet për sulmin ukrainas.
“Çfarë po bën armiku? Pranvera po vjen. Toka po thahet, era po fryn, temperatura janë nga 15 në 18 gradë Celsius. E gjithë kjo mundëson lëvizjen e mjeteve të rënda nëpër terren. Ukrainasit morën një numër të madh automjetesh të ndryshme nga NATO, automjete të blinduara, tanke Leopard për të cilët të gjithë po flasin. Ata përgatitën 200 mijë rezervistë. Do t’i përqendrojnë në vende të ndryshme”, thotë njeriu i njohur si kuzhinieri i presidenti rus, Vladimir Putin.
Një plan i detajuar
Ai shton se ushtria ukrainase do të marshojë në Belgorod dhe se kufiri midis tij dhe Kharkivit duhet të forcohet për të qenë i padepërtueshëm.
“Më pas do të tentojnë të kalojnë linjën Svatova-Kremin për të arritur në Valujki. Së treti, ata do të përqendrohen në Bakhmut për të sulmuar formacionet ruse, për të demoralizuar forcat dhe për të fituar një avantazh. Pasi ta kontrollojnë Bakhmutin, do t’iu hapet rruga përpara. Një grup prej 80 mijë trupash është përqendruar rreth Bakhmutit dhe duke mbajtur këtë linjë, ata mund të përpiqen të ndalojnë njësitë e Wagner. Kur ta bëjnë këtë, ata do të hapin një rrugë prej 30 deri në 40 km ku mund të përqendrohen”, pohoi ai.
“Ata do të lëvizin në disa drejtime në të njëjtën kohë – nga poshtë në Lisichansk-Severodonetsk, duke u përpjekur të ndajnë Luhanskun dhe Donetskun në dy pjesë. Pastaj do të përqendrohen rreth Dnieperit dhe do të lëvizin drejt Zaporizhzhia. Do të kryejnë disa sulme për të fituar Berdyansk, Melitopol dhe Mariupolin, duke bllokuar kështu Krimenë. Pastaj ata do të shkojnë në urën e Krimesë dhe do ta kthejnë situatën si në kufijtë e vitit 1991”, thotë Prigozhin.
Çfarë fshihet pas analizës së Prigozhinit?
Prigozhin shpjegoi në detaje planin e palës ukrainase pa shpjeguar se si i mori informacionet e lartpërmendura. Pyetja është, megjithatë, pse Prigozhin nuk ia tregoi Kremlinit dhe jo para kamerave?
Ndoshta përgjigja duhet kërkuar në marrëdhëniet e komplikuara, ose më mirë të këqija me Kremlinin dhe veçanërisht me njeriun e parë të ushtrisë ruse, Sergei Shoigu.
Prigozhin më parë drejtoi publikisht gishtin nga ministri rus i Mbrojtjes për shkak të rezultateve të dobëta të ushtrisë ruse, e cila u detyrua të tërhiqej nga ofensiva ukrainase në fund të gushtit dhe në fillim të shtatorit në jug, në Kherson, por edhe në lindje, ku në atë kohë Moska kontrollonte pothuajse 100 për qind të rajonit të Luhanskut dhe pjesën më të madhe të rajonit të Donetskut, duke përfshirë portin kyç të Mariupolit.
Gjithashtu, njeriu i parë i familjes Wagner pretendon se Shoigu dhe ministria e tij nuk siguruan armë dhe furnizime të mjaftueshme për trupat në vijën e frontit në Bakhmut.
Përçarja u bë më se e dukshme, prandaj edhe letra dramatike e Prigozhinit drejtuar Shoigut, në të cilën ai paralajmëron një kundërsulm të mundshëm ukrainas në fund të marsit ose në fillim të prillit, shkaktoi shumë dyshime.
“Situata është e vështirë, shumë e vështirë, armiqtë po luftojnë për çdo metër”, tha Prigozhin dhe i bëri thirrje Shoigut të zbatojë masat për të parandaluar një ofensivë të mundshme ukrainase dhe për të parandaluar që mercenarët të rrethohen në Bakhmut.
Jo shumë kohë pas kësaj letre, Prigozhin qëndroi para kamerave për të shpjeguar ofensivën e mundshme.
Pyetja që lind është nëse Prigozhin është vërtet i shqetësuar për situatën në front apo thjesht po i bën presion mediatik Shoigut për ta detyruar që t’i dërgojë grupit Wagner, armët e kërkuara?
Përgjigja për këtë pyetje do të dihet në ditët në vijim, ndoshta edhe në orët e ardhshme. /Telegrafi/
Promo
Reklamo këtuLufta Prigozhin - Putin
Më shumëNga Rubrika

Herët e fundit që Ukraina dhe Rusia ranë dakord për një marrëveshje armëpushimi – çfarë shkoi keq?

Moment i çuditshëm nga protesta në Beograd – rruga e mbushur me njerëz u zbraz në pak sekonda

Pamjet e aeroplanit të djegur të American Airlines tregojnë se pasagjerët kanë bërë një gabim të madh

Moment i çuditshëm nga protesta në Beograd - rruga e mbushur me njerëz u zbraz në pak sekonda

Protesta masive në Beograd - gjithçka ndodhi atje, MINUTË PAS MINUTE

Herët e fundit që Ukraina dhe Rusia ranë dakord për një marrëveshje armëpushimi - çfarë shkoi keq?

Dhjetëra mijëra njerëz në rrugët e Budapestit, rebelohen kundër Orbanit

Pamjet e aeroplanit të djegur të American Airlines tregojnë se pasagjerët kanë bërë një gabim të madh

Donald Trump nis sulme kundër rebelëve Houthi të Jemenit dhe lëshon një paralajmërim

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

Për vetëm 29.95€ me Telegrafi Deals dhe Melodia PX, këto patika bëhen tuajat!

Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?
Më të lexuarat

Shokuese për Eglin, i publikohen në studio deklaratat e Gjestit në dhomën e rrëfimit ku ai thotë se nuk e dashuron dhe do të zhduket nga ajo kur të dalë jashtë

Trump kërkon mbylljen dy e mediave, veprimtarët shqiptarë: Për ne, roli i Zërit të Amerikës dhe Radios Evropa e Lirë do të mbetet historik

Moment i çuditshëm nga protesta në Beograd - rruga e mbushur me njerëz u zbraz në pak sekonda

Herët e fundit që Ukraina dhe Rusia ranë dakord për një marrëveshje armëpushimi - çfarë shkoi keq?

Real Madridi do të bëjë përpjekje konkrete për transferimin e yllit të Arsenalit

Protesta masive në Beograd - gjithçka ndodhi atje, MINUTË PAS MINUTE