Prishtina 01 debuton me humbje në Elite Raund të Ligës së Kampionëve në futsall

Prishtina 01 nuk e ka nisur mbarë rrugëtimin në Elite Stage të Ligës së Kampionëve në futsall.

Pas vetëm pesë minutash lojë, bardhëekaltrit kaluan në epërsi falë një auto-goli nga Akbalikov.

Por, Kairat Almaty shënoi më pas shtatë gola vetëm në pjesë të parë.

Pedrinho dhe Diego Favero me nga dy gola, Neves de Lima, Dener dhe Edson Santos e çuan rezultatin në 7-2.

Edhe pjesa e dytë nisi më mirë për Prishtinën 01, ku shënuan me anë të Maxharrajt nëminuën e 24-të, por sërish nuk arritën të mbanin tempon, duke pësuar edhe katër gola të tjerë.

Dene, Douglas Junior, Alex Viana dhe Caio Ruiz, e kompletuan fitoren e Almatyt, për rezultatin final 11-2.

Në anën tjeter, Benfica që gjendet në këtë grup e ka nisur me fitore, duke mposhtur 4-3 Dobovec.

Skuadra portugeze shënoi qysh në minutën e parë me golin e Nunes, ndërsa 11 minuta më vonë shënuan edhe të dytin.

Për 2-0 u përkujdes Jesus, që u asitua prej Cintras, e me këto dy gola edhe përfundoi pjesa e parë.

Në pjesën e dytë kishte edhe më shumë spektakël, pasi u shënuan edhe pesë gola të tjerë.

Për dy minuta (23’ dhe 24’), Dobovec i shënoi dy gola Benficës, për rezultatin 2-2, derisa golashënues ishin Pasariceëk, respektivisht Duscak.

Por, epërsinë e portugezëve e riktheu Sobral vetëm dy minutave më vonë, kur u asistua prej Arthuer.

Në minutën e 33-të, Dobovec i barazoi shifrat sërish, pasi shënuan me anë të Ceh.

Për ta vulosur fitoren e Benficës u përkujdes Nunez 40’), shënuesi i golit të parë, për fitoren 4-3.

Në Grupin B, Kairat Almaty është lider me tri pike, q sa ka edhe Benfica, ndërsa Prishtina dhe Dobovec do të shpresojnë t’i marrin pikët e para në duelet e ardhshme. /Telegrafi/