Akuzë për tre persona për tregti me fëmijë në Maqedoni

Prokuroria Themelore për ndjekje të krimit të organizuar dhe korrupsion ka ngritur padi për tre persona për tregti e fëmi.

“Prokuroria themelore për ndjekje të krimit të organizuar dhe korrupsionit sot në gjykatën përkatësi ka ngritur akuzë kundër një personi për veprën penale të kryer “tregti me fëmijë”, nga neni 418  të Kodit Penal, përderisa dy persona – shfrytëzues të shërbimeve seksuale janë akuzuar për veprën penale “tregti me fëmijë” nga neni 418  të Kodit Penal”, kumtoi Prokuroria Publike, përcjell Telegrafi Maqedoni.

Pas vendosjes të hetimit gjithëpërfshirës të procedurës dhe mbledhjes së vëllimit të fakteve, Prokuroria ka vërtetuar se nga fillim i muajit dhjetor të vitit 2017 deri në 6 shkurt të këtij viti, në Kavadar, Radovish, Shtip dhe fshati Misllishevë të Strugës, e akuzuara, me përdorim të forcës, kanosje serioze dhe mashtrim e ka shfrytëzuar pafuqinë e fëmijës që ende nuk ka mbushur 14 vite. E akuzuara për shkak të shfrytëzimit në rrugë të aktiviteteve seksuale, për para apo ndonjë shpërblim tjetër e ka transportuar, e ka shitur, e ka ofruar në shitje, e ka strehuar dhe i e ka detyruar në martesë me forcë.

Të akuzuarit e tjerë, siç thuhet në kumtesën e Prokurorisë, edhe pse e kanë ditur se fëmija është viktimë e tregtisë me njerëz, e kanë shfrytëzuar dhe i kanë mundësuar tjetërkujt më shumë herë për shërbime seksuale, me çka kanë kryer vepër penale.

Si rezultat i keqpërdorimit, fëmija ka mbetur shtatzënë dhe i është dhënë urdhër të ndalojë shtatëzaninë.

Për shkak të procedurave të të akuzuarve fëmija në një periudhë të caktuar ka pasur gjendje të përkeqësuar të shëndetit, shpirtërisht ka vuajtur dhe ka ndje dhimbje fizike nga lëndimet e trupit.

Bashkërisht me akuzën, Prokurori Publik i caktuar, duke vlerësuar se janë plotësuar kushtet ligjore, deri te gjykata ka dërguar edhe dërgim për vazhdimin e masës për paraburgim për të tre të akuzuarit./Telegrafi/