Aktorja Meital Dohan ndahet nga Al Pacino për shkak të diferencës së madhe në moshë

Aktori i famshëm amerikan, Al Pacino dhe aktorja Meital Dohan raportohet se janë ndarë pas dy vitesh lidhjeje së bashku.

Duke folur me revistën ‘Israel’s La’Isha’, 40-vjeçarja aktorja pranoi se diferenca në moshë (39-vjet) mes saj dhe yllit të “The Irishman” ka qenë një ndër arsyet kryesore për ndarjen e tyre.

“Është vështirë të jesh me një person kaq të vjetër, si Al Paciono”, ka thënë aktorja. “Unë u përpoqa ta mohoj atë, por ai tashmë është një burrë në moshë të shtyrë”.

“Edhe me gjithë dashurinë time, ajo nuk zgjati”, shton më tej ajo.

“Si mund të them me mirësjellje se ai nuk donte të harxhonte para?”, Tha Dohan për La’Isha. “Ai vetëm lule më blinte”.

Pavarësisht ndarjes, Dohan pretendon se ata janë akoma miq të ngushtë, por koha e tyre si çift thjesht nuk ka funksionuar.

Thashethemet për ndarjen e tyre erdhën kur Pacino mori pjesë në “Oscars 2020” vetëm, përkundër nominimit të tij për aktorin mbështetës më të mirë për pjesën e tij në “The Irishman”. Pacino
përfundimisht humbi në kategorinë e tij ndaj Brad Pitt, i cili u nominua për rolin e tij në “Once Upon a Time in Hollywood”.

Sipas DailyMail, hera e fundit kur dyshja janë parë publikisht së bashku ka qenë në tetor në premierën e “The Irishman”. /Telegrafi/