AKB: Pas taksës me 98% bien eksportet serbe

Analiza “Ndikimi i taksës 100% në ekonominë kosovare nga data 21 nëntor deri me 5 dhjetor 2018”, është ishte temë diskutimi në Prizren organizuar nga Aleanca Kosovare e Bizneseve.

Kryetari i AKB-së, Agim Shahini, tha se vendimi i Qeveria së Kosovës për taksën 100 për qind për produktet me origjinë nga Serbia dhe Bosnja e Hercegovina po del të jetë mjaft pozitiv dhe i drejtë për bizneset kosovare.

Sipas tij, nga 21 nëntori deri më 5 dhjetor 2018, ka pasur rritje të prodhimtarisë vendore, punësimit, mirëqenies e zhvillimit.
“Në bazë të hulumtimit del se tek bizneset kosovare masat kanë ndikuar pozitivisht. Vendi nga kjo po përfiton shumë në të gjitha aspektet. Nga kjo rezulton si pozitive sipas përgjigjeve të respodentëve se ekonomia prodhuese është në drejtim të rimëkëmbjes”, tha Shahini.
Sipas tij, e rëndësishme është se Shqipëria ka rritur eksportet drejt Kosovës për rreth 35 për qind në krahasim me vitin e kaluar. “Taksa është arma më e fuqishme për ta gjunjëzuar Serbinë”, tha kryetari i AKB-së Agim Shahini.

Ai tregoi se nga ana tjetër Serbia ka humbur 98 për qind të eksporteve apo 63 milionë euro deri në fund të këtij viti.
“Mbi 2000 maune të bizneseve serbe më nuk po lëvizin e eksportojnë në Kosovë. Mbi 1.3 milion euro janë humbje derivatesh. Mbi 300 biznese janë ankuar tek institucionet serbe. Bizneset serbe, kanë humbur tregun dhe po mundohen me falsifikime të origjinës e paketimeve të hynë në Kosovë por kjo nuk mund të ndodh. Serbia me çdo kusht mendon të jetë këtu me prodhime, por më tash kjo nuk do të ndodh më”, tha Shahini.
Liman Asllani, koordinator i AKB-së në regjionin e Prizrenit, tha se vënien e kësaj takse e kanë kërkuar tash 16 vjet, e cila ka dobësuar bizneset serbe skajshmërisht.
Në anën tjetër taksa 100 për qind ka ndikuar pozitivisht në rritjen e prodhimtarisë kosovare, punësimit e zhvillimit.
Ai shtoi se duhet bëhet unifikimi i tregut Shqipëri- Kosovë në mënyrë që Coca Cola-n ta importojmë nga Tirana e jo nga Zemuni, e po ashtu edhe brendet tjera botërore. /Telegrafi/