Ahmeti: Escobar shpreh mbështetje të plotë për integrimin evropian të RMV-së

Kryetari i BDI Ali Ahmeti sot ka takuar zëvendës ndihmës sekretarin e shtetit të SHBA-ve Gabriel Eskobar.

Ahmeti në Facebook shkruan se Escobar shprehu mbështetje të plotë për integrimin europian të RMV-së i cili realizohet nëpërmjet të miratimit të ndryshimeve kushtetuese.

“Kisha kënaqësinë e veçantë të bashkëbisedoj sontë me zv. ndihmës sekretarin e shtetit Amerikan ?? z. Gabriel Eskobar. Ndryshimet kushtetuese në vendin tonë dhe zhvillimet në Kosovë ishin temat kryesore të bisedës. Eskobar shprehu mbështetje të plotë për integrimin europian të vendit i cili realizohet nëpërmjet të miratimit të ndryshimeve kushtetuese, ndërsa unë theksova gatishmërinë tonë të plotë për ti prirë këtij procesi”.

Kosova ishte shqetësim i përbashkët i joni, me ç’rast të dy vlerësuam që Marrëveshja e Ohrit midis Kosovës dhe Serbisë është historike dhe duhet të zbatohet pa asnjë vonesë. Shtetet e Bashkuara të Amerikës janë miku më i vyer dhe i çmuar jo vetëm i Kosovës, por edhe të gjithë shqiptarëve dhe tërë rajonit, por shqiptarët në veçanti janë mirënjohës për rolin dhe kontributin amerikan për liri, paqe dhe demokraci dhe ky vlerësim i të gjithë neve nuk lëkundët dot”, ka shkruar Ahmeti.